Stuhi shiu dhe breshëri në Gramsh, dëme të konsiderueshme në bujqësi

Një stuhi e fuqishme e shoqëruar me reshje të dendura shiu dhe breshëri ka përfshirë pasditen e sotme rrethin e Gramshit, duke shkaktuar dëme të konsiderueshme në bujqësi.

Zona më e prekur është fshati Kukur, ku stuhia ka zgjatur mbi 15 minuta, duke dëmtuar qindra dynymë me kultura të ndryshme bujqësore. Dëmet më të mëdha janë regjistruar në parcelat me agrume dhe në vreshta, ku humbjet llogariten të jenë të mëdha.

Fermerët shprehen të shqetësuar për pasojat që kjo situatë do të ketë në të ardhurat e tyre, ndërsa presin vlerësimin e dëmeve nga strukturat përkatëse.

LEXONI GJITHASHTU:

• Pas të nxehtit ekstrem, Korça përfshihet nga stuhia
• Kroacia përgatitet për një stuhi të fortë, autoritetet publikojnë rekomandimet