Stuhia ‘Éowyn’ pritet të godasë Britaninë e Madhe dhe Irlandën, anulohen udhëtimet

Një paralajmërim i motit u lëshua këtë të enjte për Irlandën e Veriut dhe Skocinë, pasi pritet të vijë një stuhi e fortë.

Zyra e Metologjisë tha se mbërritja e stuhisë Éowyn të premten mund të sjellë shpërthime deri në 100 mph.

“Të gjitha shkollat ​​në Irlandën e Veriut janë këshilluar të mbyllen për stuhinë Éowyn që pritet të godasë vendin”, tha ministri i arsimit i Stormont, Paul Givan.

Parashikuesit thanë se mund të ketë edhe ndërprerje të energjisë elektrike, kushte shumë të rrezikshme gjatë rrugëve për shkak për shkak të pemëve të rrëzuara, çative të hedhura në erë dhe prishjes së linjave të energjisë.

Gjithashtu është parashikuar ndërprerje e udhëtimeve duke u mbyllur kështu rrugët, urat dhe linjat hekurudhore.

Pas anulimit të shërbimeve, Northern Railways, e cila operon në të gjithë Anglinë veriore, këshilloi pasagjerët që të shmangnin udhëtimet ku është e mundur.

Anulimi i shërbimeve në gjithë rrjetin përfshin trenat nëpër Penines, në bregdetin Cumbrian dhe midis Carlisle dhe Newcastle.

Ekspertët thonë se Éowyn mund të sjellë shi të rrëmbyeshëm dhe dëborë në të gjithë Mbretërinë e Bashkuar.

Éowyn është stuhia e pestë e quajtur e vitit dhe potencialisht më shkatërruesja.

LEXONI GJITHASHTU:

• Stuhi e fuqishme dimërore në jug e lindje të SHBA
• Meteorologët parashikojnë stuhi të forta në SHBA, paralajmërim për tornado në fuqi