Sekretari i Përgjithshëm i NATO-s, Jens Stoltenberg deklaroi se Suedia dhe Finlanda do nënshkruajnë protokollin e anëtarësimit të martën, më 5 korrik.
Deklaratën, Stoltenberg e dha në konferencën për shtyp, pas përfundimit të punimeve të Samitit të NATO-s në Madrid, shkruan France 24.
Protokolli i pranimit duhet të ratifikohet më pas nga parlamentet e 30 vendeve aleate për të lejuar që të dy vendet të bëhen pjesë e NATO-s dhe të përfitojnë nga klauzola e mbrojtjes kolektive të aleancës.
Një ditë më parë, Stoltenberg tha se Aleanca po hyn në një epokë të re me marrëveshjen që i lejon Suedisë dhe Finlandës të aderojnë në të.
Marrëveshja erdhi pas bisedimeve me Turqinë, e cila kishte kundërshtuar anëtarësimin e vendeve nordike me argumentin se mbështesnin separatistët kurdë.
Suedia dhe Finlanda aplikuan për anëtarësim në NATO, pas agresionit rus në Ukrainë.
LEXONI GJITHASHTU