Pesë persona janë qëlluar me armë zjarri në një shkollë në Suedinë qendrore, thotë policia.
Të shtënat ndodhën në Örebro, 200 km (124 m) në perëndim të Stokholmit ndërsa policia tha se shkalla e lëndimeve të personave të qëlluar është e paqartë.
Ngjarja ka ndodhur para orës 13:00 me orën lokale dhe zyrtarët po u bëjnë thirrje banorëve që të qëndrojnë larg shkollës.
“Kjo aktualisht shihet si një tentativë vrasjeje, zjarrvënie dhe vepër e rëndë me armë”, tha policia në një deklaratë.
Ministri suedez i drejtësisë, Gunnar Strömmer, tha për SVT Örebro se situata ishte shumë serioze dhe përgjigja ndaj incidentit ishte ende në proces.
Policia i bëri apel qytetarëve të qëndronin në shtëpitë e tyre.
“Publikut i kërkohet të qëndrojë larg zonës së Västhaga, ose të qëndrojë brenda shtëpive të tyre. Dëgjoni oficerët e policisë në vendngjarje”, thuhej në një deklaratë të policisë të publikuar në orën 13.20, duke shtuar se operacioni i policisë ishte “ende në vazhdim”.
Të shtënat duket se kanë ndodhur në një Komvux, ose qendër arsimore për të rritur.
Këto qendra frekuentohen kryesisht nga persona që nuk kanë mbaruar shkollën fillore apo të mesme.
Policia thotë se nxënësit e shkollave aty pranë po mbahen brenda “për qëllime sigurie”.
LEXONI GJITHASHTU:
Kryefaqja
