Një burrë është vrarë dhe dy të tjerë janë plagosur pasi një burrë me thikë sulmoi një treg të dielën në Walworth, në jug të Londrës, raporton The Sun.
- Advertisement -
Policia mori një telefonatë se disa njerëz ishin therur me thikë në East Street.
Me gjithë përpjekjet e shërbimeve të emergjencës, një person ka mbetur i vdekur në vendngjarje.
Një grua dhe një tjetër burrë janë dërguar me urgjencë në spital për të marrë mjekim, ndërsa për momentin nuk dihet gjendja e tyre.
Në vendngjarje u arrestua një burrë, i cili dyshohet të jetë rreth të gjashtëdhjetave.
Aktualisht ai ndodhet në paraburgim nga policia.
Ky incident nuk po trajtohet si terrorizëm dhe hetimet janë në vazhdim, konfirmoi policia e qytetit.
LEXONI GJITHASHTU:
- Mediat britanike: Radovan Karaxhiç padit qeverinë në Londër për trajtim çnjerëzor
- Zbulohet qyteti më i shtrenjtë për të jetuar në botë, nuk është Londra apo Nju Jorku
