Një person që ka sulmuar me thika një grup agjentësh të policisë franceze ka mbetur i vrarë nga reagimi i tyre.
Ngjarja ka ndodhur në veri të Parisit, ku agresori ka nisur të hedhë thika ndaj oficerëve me uniformë.
Këta të fundit, sipas një njoftimi të autoriteteve lokale, reaguan duke përdorur fillimisht një pistoletë elektrike, por pa arritur ta ndalnin atentatorin.
Një agjent tjetër më pas përdori armën e shërbimit, duke e qëlluar autorin e sulmit në gjoks dhe duke i shkaktuar atij vdekjen.
Sipas burimeve, agresori u hodh në sulm ndaj një patrulle agjentësh i armatosur me dy thika dhe nuk përmendi shprehje që mund ta lidhnin atë me ideologjinë radikale islamike, edhe pse kjo pistë nuk përjashtohet.
Zyrtarët francezë kanë saktësuar se pas të shtënës, atij iu dha ndihma e parë me një masash kardiak për ta mbajtur në jetë, por nuk arriti të shpëtonte.
Hetimi mbi ngjarjen i është besuar komisariatit në veri të Parisit, ndërsa sa i takon përdorimit të armës së shërbimit nga agjenti hetimi do të zhvillohet nga Inspektorati i Përgjithshëm i Policisë Kombëtare.
Sulme të tilla janë bërë më të shpeshta në Evropë, duke ngritur shqetësim në radhët e popullsive dhe politikës sa i takon sigurisë dhe emigracionit ilegal.
LEXONI GJITHASHTU:
- Presidenti Trump pret në Shtëpinë e Bardhë Presidentin francez Macron
- Presidenti francez Macron fton liderët evropianë në Paris
