Sulmet izraelite në Gaza, vriten 7 persona mes tyre një gazetar

Forcat izraelite kanë vënë në shënjestër një shtëpi në Khan Younis lindore, duke vrarë të paktën shtatë persona, përfshirë edhe gazetarin palestinez Tamim Muammar, raporton Al Jazeera.

Kjo e çon numrin e përgjithshëm të gazetarëve të vrarë në Gaza që nga 7 tetori në të paktën 167, sipas shifrave të Zyrës së Mediave të Qeverisë në Gaza.

Khoudary tha se forcat izraelite shënjestruan gjithashtu një ndërtesë tjetër banimi në al-Mawasi pranë Khan Younis, e cila është përcaktuar si një “zonë e sigurt” nga forcat izraelite. Të paktën gjashtë persona u vranë.

Zona, në të cilën forcat izraelite urdhëruan palestinezët në Khan Younis të evakuoheshin, është shkatërruar nga pushtimi i ushtrisë izraelite, tha Khoudary.

Ushtarët izraelitë shkatërruan infrastrukturën, shtëpitë, objektet mjekësore dhe shkollat, shtoi ajo.

“Kjo është hera e tretë që forcat izraelite pushtojnë këtë zonë. Ata palestinezë që u thirrën për të evakuuar dje, u shpërndanë në rrugë. Ata nuk kishin asnjë strehimore. Ata nuk kishin shtëpi dhe kaluan tetë ditë në rrugë, “tha Khoudary.

Ajo gjithashtu raportoi se forcat izraelite janë duke shtuar bombardimet e artilerisë dhe sulmet ajrore në pjesë të Khan Younis si dhe në qytetin më jugor të Gazës, Rafah.

LEXONI GJITHASHTU:

• “Free Gaza” statuja e Ana Frank në Amsterdam mbulohet nga parullat e protestuesve
• Laçi: Pashë me sytë e mi fëmijën që iu drejtua arma në kokë! Ai buzëqeshi dhe…