Sulmet izraelite vrasin një ushtar libanez, plagosen 4 të tjerë! IDF: Veprojmë kundër Hezbollahut, jo LAF

Një sulm izraelit në Libanin jugor vrau një ushtar libanez dhe plagosi katër të tjerë. Njëri prej të plagosurve është në gjendje kritike, sipas ushtrisë libaneze.

Forcat e Armatosura Libaneze, LAF thanë në një deklaratë se ushtarët po udhëtonin me makinë dhe motoçikletë kur një sulm ajror izraelit goditi grupin pranë qytetit Nabatieh.

Ushtria izraelite tha se është në dijeni të pretendimit se disa ushtarë libanezë ishin plagosur në një sulm ajror izraelit dhe se incidenti është duke u shqyrtuar. Forcat Mbrojtëse të Izraelit, IDF thanë se veprojnë dhe sulmojnë kundër Hezbollahut, jo kundër LAF.