Sulmet me dronë të Ukrainës, Rusia i kërkon Kazakistanit benzinë

Rusia i ka kërkuar Kazakistanit që të përgatitet për të furnizuar 100 mijë ton benzinë.

Sipas mediave të huaja, thuhet se kjo është për shkak të mungesave të përkeqësuara nga sulmet me dronë ukrainas, thanë tre burime të industrisë për Reuters.

Një nga këto burime tha se një marrëveshje ishte rënë dakord.

As ministritë ruse dhe as kazake të energjisë nuk iu përgjigjën kërkesave për koment.

Sulmet me dronë thuhet se ndaluan 14% të kapacitetit primar rus të përpunimit të naftës deri në fund të marsit.

Bjellorusia tashmë ka rënë dakord të ndihmojë Rusinë me furnizimin me benzinë, tha Reuters.

Autoritetet kanë thënë se situata e brendshme është e qëndrueshme dhe rezervat janë të mjaftueshme.

Rusia është normalisht një eksportues neto i karburantit.

LEXONI GJITHASHTU:

• Vriten tre civilë në Ukrainë, teksa Rusia vazhdon pareshtur sulmet
• Ukraina njofton se ka rrëzuar 17 dronë rus