“Sulmi i inskenuar!” – Eksperti zbërthen “teatrin” e Moskës

Moska ka akuzuar Uashingtonin si organizator të sulmit me dron ndaj Kremlinit, që sipas saj kishte si objektiv jetën e presidentit Putin.

Ukraina ka mohuar çdo përfshirje, ndërsa Uashingtoni ka sugjeruar se sulmi mund të jetë sajuar për të justifikuar përshkallëzimin ushtarak të Rusisë.

Eksperti i sigurisë, Adrian Shtuni tha në një intervistë për Euronews Albania se nuk përjashtohet mundësia që e gjithë ngjarja të jetë inskenuar nga Moska me qëllim për të akuzuar Kievin.

“Ka disa skenarë çfarë mund të ketë ndodhur, duhet të nisemi nga disa fakte për të arritur një përfundim. Ka mundësi që të ketë qenë një sulm i përgatitur nga Moska për të dhënë një mesazh demonstrativ. Duke ditur çfarë sigurie ka në zonën ajrore të Kremlinit është e paimagjinueshme që dy dronë të vegjël të futen në atë zonë pa u lejuar vetë. Është teatër. Është një operacion mashtrues i gatuar nga Kremlini për konsum të brendshëm. Medvedev doli dhe tha se duam kokën e Zelenskit”, u shpreh eksperti.

LEXONI GJITHASHTU:

• Rusia akuzon Ukrainën se tentoi ta sulmojë Kremlinin me dronë
• Kremlini publikon pamjet, Putin viziton zonat e pushtuara në Ukrainë