Sulmi i Iranit, Salianji: Duhet të ishte ndalur, qytetarët janë më të ekspozuar

Deputeti i Partisë Demokratike, Ervin Salianji i ftuar në ‘Euronews Albania’ foli për sulmet kibernetike dhe vendimin e qeverisë për të ndërprerë marrëdhënien me Iranin.

Për deputetin e PD, fakti që për sulmet kibernetike pati një reagim të shpejtë nga SHBA, e bën çështjen më serioze, duke shtuar se qytetarët shqiptarë sot janë më të ekspozuar.

Sa i përket vendimit për të ndërprerë marrëdhëniet me Iranin, Salianji tha se ishte i drejtë, por i vonuar.

“Fakti që ka pasur një reagim të shpejtë nga SHBA do të thotë që çështja është serioze. Si deputet dhe institucione në këtë vend , është akti se parlamenti duhet të ketë dijeni të plotë mbi sulmin. Sipas Microsoft sulmi ka ndodhur që në maj. Vendimi për dëbimin e tyre është i vonuar. Miliona eurot që janë hedhur në sistem duhet që ta kishin ndaluar këtë situatë. Më shumë të ekspozuar është që të dhënat për shkak të patronazhimit kanë dalë në publik, një fakt kjo që e ka ekspozuar. Qytetarët shqiptarë sot janë më të ekspozuar”, tha Salianji.

LEXONI GJITHASHTU:

• Salianji për përçarjet në PD: Jo më llogore për ndarje, s’jam me asnjë palë
• “Për pensionistët frutat luks”, Xhixho: Paketa anti-krizë, një tallje e qeverisë