Sulmi me dronë pezullon një nga terminalin më të madh të naftës në Rusi

Një nga terminalet më të mëdha të naftës në Rusi ka pezulluar operacionet pas një sulmi me dronë në orët e para të mëngjesit të së dielës. Terminali detar i Konsorciumit të Gazsjellësit Kaspik (CPC) në Novorossiysk u godit rreth orës 04:00 nga dronë detarë, raportuan mediat lokale.

CPC-ja është një nga kanalet kryesore të eksportit të naftës bruto nga Kazakistani, duke përfaqësuar rreth 80% të eksporteve të vendit. Pas sulmit, ministri i Energjisë së Kazakistanit e cilësoi goditjen ndaj “infrastrukturës kritike thjesht civile” si të “papranueshme”, duke njoftuar se është aktivizuar plani për të devijuar eksportet drejt rrugëve alternative.

Në një deklaratë zyrtare, ministria paralajmëroi se çdo ndërhyrje ndaj tubacionit CPC, si një projekt energjetik ndërkombëtar, paraqet rrezik të drejtpërdrejtë për sigurinë globale të energjisë dhe dëmton rëndë interesat ekonomike të vendeve pjesëmarrëse, përfshirë Kazakistanin.

Sulmi vjen vetëm pak orë pasi dronë detarë goditën dy anije cisternash në brigjet e Turqisë në Detin e Zi, një sulm që Ukraina e ka marrë përsipër. Ngjarja shkaktoi një operacion të gjerë shpëtimi, ndërsa ekuipazhet e dy anijeve u evakuuan në kohë falë ndërhyrjes së rojes bregdetare dhe ekipeve të shpëtimit.