Pas Sulmit me raketa të nisur nga India mbrëmjen e të martës, Pakistani ka thënë se “rezervon të drejtën për t’u përgjigjur”
Islamabadi ka informuar Këshillin e Sigurimit të OKB-së (UNSC) rreth “agresionit flagrant nga India dhe kërcënimit që ai paraqet për paqen dhe sigurinë ndërkombëtare”, thuhet në një deklaratë të ministrisë së jashtme të Pakistanit.
“KS i OKB-së është informuar se Pakistani rezervon të drejtën për t’iu përgjigjur në mënyrë të përshtatshme këtij agresioni në një kohë dhe vend që zgjedh vetë, në përputhje me të drejtën e tij për vetëmbrojtje, siç përcaktohet në nenin 51 të Kartës së Kombeve të Bashkuara”, shton ajo
Pakistani ka pretenduar se ka rrëzuar pesë avionë indianë.
“Deri më tani, mund t’ju konfirmoj se pesë avionë indianë – përfshirë tre Rafale, një SU-30 dhe një MiG-29 – dhe një dron Heron janë rrëzuar gjithashtu”, tha zëdhënësi i ushtrisë pakistaneze, Ahmed Sharif Chaudhary.
India ende nuk i është përgjigjur pretendimeve.
LEXONI GJITHASHTU:
- India nis sulm me raketa kundër Pakistanit
- Sulmi i Indisë në Pakistan, humbasin jetën 8 persona, mes tyre një fëmijë