Rusia ka kryer një sulm të një sistemi energjitik në Ukrainë si dhe qytetet në rajonin e saj lindor me raketa lundrimi dhe balistike këtë të mërkurë në mëngjes, kanë raportuar zyrtarët lokalë.

Guvernatori rajonal Oleh Syniehubov tha se të paktën gjashtë persona u plagosën nga sulmi me raketa në Kharkiv në verilindje të Ukrainës këtëtë mërkurë.

Nga ana tjetër ka reaguar Presidenti ukrainas Volodymyr Zelensky i cili i është përgjigjur sulmit të Rusisë në ditën e Krishtlindjes:

“Çdo sulm masiv rus kërkon kohë për t’u përgatitur. Nuk është kurrë një vendim spontan. Është një zgjedhje e ndërgjegjshme jo vetëm e objektivave, por edhe e kohës dhe datës. Sot, Putin zgjodhi qëllimisht Krishtlindjet për një sulm. Çfarë mund të jetë më çnjerëzore? Më shumë se 70 raketa, përfshirë ato balistike, dhe më shumë se njëqind dronë sulmues. Objektivat janë sektori ynë i energjisë.

Ata vazhdojnë të luftojnë për ndërprerjen e energjisë elektrike në Ukrainë. Sipas të dhënave paraprake, mbrojtësit tanë arritën të rrëzojnë më shumë se 50 raketa dhe një pjesë të konsiderueshme të dronëve. Fatkeqësisht, ka goditje. Deri më tani, ka ndërprerje në disa rajone. Punonjësit e Energjisë po punojnë për të rikthyer sa më shpejt furnizimin me energji elektrike.

Faleminderit të gjithëve që aktualisht po punojnë për vendin, që janë në detyrë luftarake, që po mbron qiellin tonë. Le të rivendosim maksimumin. E keqja ruse nuk do ta thyejë Ukrainën dhe nuk do të shtrembërojë Krishtlindjet”, tha Zelensky.

Ukraina përballet me dimrin e saj më të ashpër të luftës pothuajse trevjeçare, ndërsa Moska shton bombardimet e saj ajrore dhe trupat e saj përparojnë në vijat e frontit në lindje.

Në rajonin e Dnipropetrovsk, ku temperaturat e dimrit kanë lëvizur rreth pikës së ngrirjes, guvernatori tha se Rusia po synonte rrjetin elektrik.

LEXONI GJITHASHTU:

• Sulm në spitalin Haiti, tre të vdekur dhe disa të plagosur
• Trump kritikon vendimin për ta lejuar Ukrainën të sulmojë thellë brenda Rusisë