Sulmohet baza e OKB në Gaza/ Kombet e Bashkuara: Situata jashtë kontrollit

Një zyrtar i lartë i OKB-së në Gaza deklaroi të enjten se, tronditja ka nisur të zbehet dhe se njerëzit po e pranojnë realitetin, një dorëzim ky me të cilin ata dhe ndërkombëtarët duhet të mësohen për një periudhë të gjatë kohore.

Jamie McGoldrick, që është koordinator i posaçëm për Lindjen e Mesme në Kombet e Bashkuara, ka nënvizuar se OKB dhe partnerët po përballen me sfida madhore, shumë prej të cilave kanë dalë nga kontrolli i tyre.

“Pati një sulm në bazën e OKB-së në Khan Junis, ku janë strehuar rreth 10 mijë persona të zhvendosur. Sulmi ndodhi së fundmi dhe viktima të shumta u regjistruan. Disa ndërtesa përreth morën flakë dhe njerëz të tjerë humbën jetën. Shumë u përpoqën të largoheshin, por nuk ia arritën”-tha Jamie McGoldrick, koordinator i OKB-së për Lindjen e Mesme.

Departamenti amerikan i Shtetit e kritikoi ashpër sulmin që la 9 të vdekur.

“Të gjithë ne e dënojmë sulmin ndaj qendrës së OKB-së në Khan Junis. E kam thënë edhe më parë e po ashtu edhe vetë sekretari i Shtetit, civilët duhet të mbrohen dhe qendrat e Kombeve të Bashkuara të respektohen”-theksoi Vedant Patel, zëdhënës i Departamentit të Shtetit.

Ndërkohë, qytetarë që demonstronin për lirimin e pengjeve nga Gaza bllokuan trafikun në autostradën Ajalon, në Tel Aviv. Sipas mediave izraelite, protesta u mbajt pasi Katari njoftoi se Hamasi po vonon bisedimet mbi personat e rrëmbyer.

LEXONI GJITHASHTU:

• Hapen korridoret ajrore Tiranë- Prishtinë, udhëtimi me avion shkurtohet 12 minuta
• 4 orë në SPAK, Malltezi: Nuk ka vepër penale, u pyeta si person nën hetim