Sulmoi eurodeputetin Beleri me ushqime, procedohet në gjendje të lirë 61-vjeçari

Prokuroria pranë Gjykatës së Shkallës së parë të Juridiksionit të Përgjithshgëm në Tiranë ka nisur procedimin në gjendje të lirë për 61-vjeçarin dilaver Nela, i cili mëngjesin e të martës sulmoi me produkte ushqimore eurodeputetin Fredi Beleri.

Ngjarja ndodhi pas mbledhjes së Eurodeputetëve, kur Beleri u godit me vezë dhe kos nga një qytetar. Pamjet e incidentit, të siguruara para godinës së Kuvendit, tregojnë protestuesin që i afrohet Belerit me një qese në njërën dorë dhe një shishe kosi në tjetrën.

Njoftimi:

Specialistët për Hetimin e Krimeve të Komisariatit të Policisë Nr. 2 referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, ku filloi procedimi në gjendje të lirë për shtetasin D. N., 61 vjeç, banues në Tiranë, për veprat penale “Kanosja” dhe “Prishja e qetësisë publike”, parashikuar nga nenet 84 dhe 274 të Kodit Penal.

Ky shtetas, ditën e djeshme, përpara Kryesisë së Kuvendit të Shqipërisë, dyshohet se ka goditur me produkte ushqimore shtetasin F. B., me detyrë eurodeputet.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Sulmi ndaj Fredi Belerit në Tiranë, reagon Ministria e Jashtme greke
• “Turpi i atyre që e lejuan”, Dule komenton sulmin ndaj Belerit nga protesta