Sunak rikthen në qeveri ish-kryeministrin britanik, e emëron Sekretar të Jashtëm

Ish-kryeministri David Cameron është emëruar si Sekretar i Jashtëm i Britanisë së Madhe.

Gameroon u pa duke hyrë në Downing Street mëngjesin e kësaj të hëne, pak pasi u njoftua shkarkimi nga detyra i Sekretares së Brendshme, Suella Braverman.

Kryeministri Rishi Sunak emëroi brenda pak minutash pas shkarkimit, Sekretarin e Jashtëm James Cleverly në postin e  Sekretarit të Brendshëm.

Vakancën e lënë nga Cleverly, Sunak zgjodhi ta plotësonte duke rikthyer dhe njëherë në politikë ish-kryeministrin Cameroon.

Ndryshimet në kabinetin e konservatorëve në qeverinë britanike erdhën pas shkarkimit të Braverman, e cila u largua pas një artikulli në The Times ku kritikonte policinë për një qëndrim të “butë” ndaj protestave pro-palestineze në Britaninë e Madhe.

Kjo është hera e dytë që ajo largohet nga posti i Sekretares së Brendshme, pasi dha dorëheqjen nga qeveria e Liz Truss për thyerjen e kodit ministror.

Sunak njoftoi gjithashtu dhe largimin e dy ministrave të tjerë, Nick Gibb Sekretar i Arsimit dhe Neil O’Brien, Sekretar i Shëndetësisë.

Ndryshimet në kabinetin qeveritar duket se vijnë në kuadër të zgjedhjeve të ardhme parlamentare, ku konservatorët ndodhen në pozita të vështira.

Me ndryshimet e bëra Sunak dëshiron të vendosë autoritetin e tij dhe të rifreskojë qeverinë për përballjen e ardhshme elektorale.

LEXONI GJITHASHTU:

• U shkarkua nga posti i sekretares së Brendshme në Britani, vjen reagimi i Braverman
• Kritikoi policinë në lidhje me protestat pro-palestineze, shkarkohet Braverman