Sveçla: Forcat policore janë vendosur në disa zona në Mitrovicë të Veriut

Ministri i Punëve të Brendshme të Kosovës, Xhelal Sveçla deklaroi se forcat e policisë janë vendosur në disa zona në Mitrovicë të Veriut.

Për RTK, ai u shpreh se shtimi i forcave policore në veri, vjen për shkak se pas incidenteve të ditëve të fundit është rritur pasiguria

“Sipas informatave që më ka dhënë menaxhmenti i Policisë së Kosovës, ka të bëjë me lokacione të ndryshme në zonën e Komunës së Mitrovicës së Veriut. Pra, në disa lagje”, theksoi ministri.

Sipas tij, vendimi i Policisë së Kosovës për të shtuar prezencën në veri ka për qëllim që të ofrojë siguri për qytetarët.

LEXONI GJITHASHTU

• Petkoviç: Po shqyrtojmë dërgimin e 1000 ushtarëve në Kosovë
• Sulm ndaj policisë së Kosovës në veri
• Qeveria e Kosovës: Në veri policia e rendit, jo njësitë speciale