Tabaku: Në kontratat për inceneratorët janë përfshirë 2 ish-ministra dhe 3 kryetarë bashkish

“Kontratat për inceneratorët janë një nga aferat korruptive më të mëdha që buxheti i shtetit do të vuajë jo vetëm sot por edhe në ardhmen, duke pasur parasysh kostot e fshehura”. Kështu deklaroi për emisionin “Mirëmëngjes”, nënkryetarja e PD-së, Jorida Tabaku, e cila nënvizoi se PD ka 6 vite që denoncon për to.

“Me kërkesë të PD-së është ngritur edhe një komision hetimor në parlament për këtë temë. Gjatë këtyre 6 viteve e kemi denoncuar në mënyra të ndryshme. Kemi qenë edhe tek inceneratorët, ku nuk ka filluar asgjë, përveç atij të Elbasanit”, u shpreh ajo.

Znj. Tabaku shtoi se arrestimi ish-ministrit të Mjedisit është  1\10 e asaj që duhet zbuluar.

“Përpara drejtësisë është Lefter Koka por nuk i ka bërë vetë procedurat”, tha ajo.

Nënkyetarja e PD-së deklaroi se kontratat për inceneratorin e Fierit dhe Tiranës që janë mbrojtur publikisht nga Edi Rama.

“Janë bërë procedurat nga Kryeministria, dhe kanë përfshirë ish-ministri Arben Ahemtaj, ish-ministri Damian Gjiknuri, tre kryetarë bashkish, Erion Veliaj, Armando Subashi dhe Qazim Sejdini”, u shpreh ajo.