Tabaku: Sot, qeveria pranon korrupsionin dhe mungesën e vullnetit politik

Sot u mbajt mbledhja e Konferencës së Kryetarëve për draft-rezolutën për thellimin e reformave për mirëqeverisjen, sundimin e ligjit dhe luftën kundër korrupsionit për Shqipërinë 2030 në Bashkimin Europian.

Jorida Tabaku është shprehur se ka dorëzuar disa ndryshime ligjore për të luftuar korrupsionin.

Ajo pati kritika për qeverinë duke thënë se sot qeveria pranon korrupsionin dhe mungesën e vullnetit politik.

“Më vjen mirë që lufta kundër korrupsionit duhet ndryshojë dhe qeveria pranon që kemi një korrupsion endemik dhe sot ekziston në të gjithë institucionet. Tani kush ka folur e paska pasur të drejtë. Rezoluta që ju propozoni çon miratimin e ngritjes së një komisioni të posaçëm dhe disa elementë që ne mendojmë se kanë nevojë për një debat më të gjerë se sa debati në kuvend. Kam dorëzuar disa ndryshime ligjore për të luftuar korrupsionin me ndryshime që i vijnë në ndihmë kësaj beteje dhe që u refuzuan nga PS. Mazhoranca i rrëzoi duke mohuar korrupsionin. Sot, qeveria pranon korrupsionin dhe mungesën e vullnetit politik. Ju kërkoni të krijoni një Komision AdHoc që merr funskione nga KKIE dhe pa asnjë argument”-tha Tabaku.

LEXONI GJITHASHTU: 

• Kapen 320 kg kokainë në Portin e Pireut me destinacion Shqipërinë, pranga shqiptarit
• “Je me Hënë të keqe” – Konspiracionistja tregon çfarë na ndodh kur është e plotë…