Tabelat orientuese për turistët, rivendoset sinjalistika e dëmtuar në Gjirokastër

Zhvillimi i turizmit në zonën e Gjirokastrës e ka bërë të domosdoshme mirëmbajtjen e sinjalistikes dhe tabelave informuese për turistët. Në disa raste kjo sinalistikë është e dëmtuar duke e bërë të vështirë orientimin e vizitoreve në pikat turistike dhe objekteve të trashëgimisë historike dhe kulturore.

 “Nisur nga fakti që orientimi drejt siteve turistike  është një nga imzhet që përcillet për vendin tonë  do ti bëja thirrje dhe një apel publik banorëve të zonave të cilët ndoshta nga pakujdesia, ndoshta dhe nga nevoja për ti patur ato tabela për përdorimet e tyre  të mos i dëmtojnë sepse janë shumë të rëndësishme për orientimin e turistëve dhe vizitorëve, për të përcjellë një imazh sa më të mirë për vendin tonë dhe për sitet historike”,-tha Ardis Duka, drejtor rajonal i trashëgimisë kulturore

Në prag të nisjes së sezonit të ri turistik është kryer edhe ripërtëritja e kësaj sinjalistike dhe rivendosja e tabelave të dëmtuara.

 “Drejtoria Rajonal e Trashëgimisë Kulturore në Gjirokastër në kuadër të planit të masave  të hartuar për përgatitjen e sezonit  turistik veror është duke  bashkëpunuar me të gjithë entet pronare të  akseve rrugore, bashkitë  ose Autoritetin Rrugor Shqiptar në lidhje me vendosjen  e sinjalistikës ose mirëmbajtjen e sinjalistikës ekzistuese e cila të drejton drejt destinacioneve turistike. Ndërkohë nga ana e saj Drejtoria Rajonale e Trashëgimisë Kulturore në zona të cilat  janë të thella, të cilat janë shtigje malore ka  vendosur një sinjalistikë orientuese  për të gjithë vizitorët e këtyre siteve”,-tha Ardis Duka, drejtor rajonal i trashëgimisë kulturore

Gjatë vitit të kaluar Gjirokastra u vizitua nga rreth 200 mijë turistë ndërsa për këtë vit synohet rritje e numrit të vizitorëve duke e kthyer turizmin në promotorin e ekonomisë lokale.

LEXONI GJITHASHTU:

• Godinat historike për turistët, nis restaurimi i zonës muzeale në Gjirokastër
• Gruaja hidhet nga dritarja e banesës pas dhunës së burrit, arrestohet 35-vjeçari
• “Berisha përjashtoi deputetin e PD” – Lita zbulon çfarë ndodhi dje në Divjakë