“Takimet muzikore të dy botëve”, koncerti i klasikes në Gjirokastër

Aktivitete të tilla shërbejnë jo vetëm për gjallërimin e jetës artistike në qytetin e gurit, por gjithashtu për të rijetësuar monumentet e kulturës.

“Kemi përpjekur të gjejmë lidhje me antikitetin, duke krijuar një ndërthurje me muzikën, për të sjellë monumentet dhe për t’i rijetëzuar ato në mënyra të tjera, duke promovuar historinë dhe trashëgiminë kulturore,” tha organizatorja e këtij eventi, Ilda Mare.

Pjetër Guralumi shprehu kënaqësinë e rikthimit në Gjirokastër pas 40 vitesh, kohë kur kishte dhënë mësim në këtë qytet.

“Kam pasur privilegjin të ofroj një koncert që ndihmon jetësimin e monumenteve të kulturës përmes muzikës,” theksoi ai.

Gjatë sezonit të vjeshtës, komplekset muzealë dhe monumentet e kulturës në Gjirokastër po shërbejnë si skena artistike për organizimin e eventeve kulturore.

Këto aktivitete tërheqin interesin e turistëve, të cilët vazhdojnë të vizitojnë qytetin e gurtë.

LEXONI GJITHASHTU:

• Dëmtohet sinjalistika në Gjirokastër, probleme për orientimin dhe guidat turistike
• Tetori i letërsisë në Gjirokastër, aktivitete për të larguar fëmijët nga teknologjia