Takimi i Brukselit, Kurti bisedoi me ambasadorin e Mbretërisë së Bashkuar

Kryeministri Albin Kurti ka biseduar me ambasadorin e Mbretërisë së Bashkuar në Kosovë, Nicolas Abbott për mbajtjen e zgjedhjeve në komunat veriore të Kosovës, si dhe takimin e javës së ardhshme në Bruksel.

Sipas komunikatës së Qeverisë, me diplomatin britanez është diskutuar edhe për kalimin me sukses të fazës së parë të anëtarësimit të Kosovës në Këshillin e Evropës.

“Mbajtja e zgjedhjeve në komunat veriore me 23 prill dhe takimin i radhës i nivelit të lartë politik në Bruksel me 2 maj, ishin po ashtu tema të bisedës. U theksua rëndësia e mbajtjes së zgjedhjeve, të cilat kaluan pa incidente, por në anën tjetër edhe shqetësimi për kërcënimet, frikësimet dhe presionet që çuan në pjesëmarrje të ulët.

Sa i përket pritjeve nga takimi i javës së ardhshme në Bruksel, ai tha se pret angazhim konstruktiv që siguron zbatim pa vonesë e të plotë të të gjitha neneve të dakorduara”, thuhet në komunikatën e Qeverisë së Kosovës.

LEXONI GJITHASHTU: 

• “Të vras, të djeg”, Kryemadhi-Çanit: Kallashin e marr vetëm për fëmijët e mi
• “Veliaj loboi kundër Ramës në SHBA”, akuza e Kryemadhit: Ndryshe nuk do kandidonte