Takimin Kurti- Vuçiç, Hoxhaj: Ishte spektakël politik

Ish-ministri i Jashtëm i Kosovës,Enver Hoxhaj i ftuar në Euronews Albania komentoi takimin Kurti- Vuçiç dhe tha se ky takim ishte thjesht një shfaqje politike.

Sipas tij takimi nuk kishte asnjë vlerë sepse Borrell nuk e ka më pozicionin  e tij në BE.

Gjithashtu ai shton se takimi është i vonuar dhe duhet të mbahej që vitin e kaluar.

“Ka qenë një temë që është përfolur në Bruksel, por jo vetëm që takimi Josep Borrell më shumë ka qenë një spektakël politik meqenëse mandati i zotit Borrell ka përfunduar dhe tani ka një emër që do të jetë pasuesi i tij dhe ai nuk ka as huqi politike dhe as mandat që mund të kryej ndonjë punë konkrete. Unë mendoj që është një takim që në thelb qytetarët e Kosovës mund tu duket që të ketë mbrojtur Kurti interesat e Kosovës, por çfarë tregon takimi është se Kurti në çdo temë  të dialogut ka qenë gabim, sepse pjesëmarrja e tij në dialog duhet të ishte që vitin e kaluar dhe duhej të nënshkruhej marrëveshja” tha Hoxhaj.

LEXO GJITHASHTU:

• “Kurti do ia thotë në sy Vuçiçit për Banjskën”, deputeti: Çfarë do ndodh në Bruksel
• Dështon takimi trepalësh ne Bruksel, Kurti paraqet tre kushtet për dialog me Serbinë