“Kurti do ia thotë në sy Vuçiçit për Banjskën”, deputeti: Çfarë do ndodh në Bruksel

Deputeti i Vetëvendosjes në Kosovë, Adnan Rustemi ishte këtë të mërkurë i ftuar në një intervistë për Euronews Albania ku tha se takimi në Bruksel i dy kryeministrave Kurti dhe Vuçiç është një mundësi e mirë për ti thënë në sy presidentit serb ndikimin negativ që qeveria e tij ka sjellë në ngjarjen e Banjskës.

Sipas deputetit ngjarja e Banjskës, ku mbeti i vrarë efektivi i policisë së Kosovës Afrim Bonjaku, por edhe ngjarjet pasuese të saj, konfirmuan se Serbia nuk është e interesuar për normalizim të marrëdhënieve mes dy vendeve.

“24 shtatori ka konfirmuar se Serbia nuk është e interesuar për normalizim të marrëdhënieve me Kosovën, nuk është e interesuar për dialog e as për marrëveshje. Përkundrazi është e interesuar për destabilizim dhe konflikt, por mendoj se Kosova nuk duhet ta dëmtojë pozicionin e saj në një kohë kur të gjithë palët e argumentet janë në anën e saj. Tavolina në Bruksel është një mundësi e mirë për t’ia thënë në sy Aleksandër Vuçiçit dhe ndërmjetësuesve të BE-së rolin negativ që ka pasur Serbia në aktin e agresionit në 24 shtator”,-tha Rustemi.