“Takoi fëmijët para se t’i hidhte benzinë vajzës” – Flet nëna e Melisa Trëndafilit

Ana Sino, nëna e Melisa Trëndfilit, e cila u dogj me benzinë nga ish-bashkëshorti tha në një intervistë ekskluzive për gazetarin Xhensil Shkëmbi në emisionin ‘People’ në Euronews Albania se ky i fundit kishte takuar fëmijët përpara se të ndërmerrte aktin ekstrem ndaj vajzës së saj.

Ajo tregoi se ditën që e kishte takuar ish-bashkëshortin e vajzës ai i kishte kërkuar ta ndihmonte të bashkohej me Melisën ndërsa i kishte pohuar se nuk do të lejonte kurrë që ajo të martohej me dikë tjetër.

“Atë ditë kam shkuar në fshat te vëllai dhe mora me vete fëmijët e Melisës. Ajo merrte lejen dhe do çonim fëmijët ca ditë me pushime. Ai kishte telefonuar Melisën dhe kishte kërkuar fëmijët, ajo i kishte thënë që i ka marrë mami. Më merr mua në telefon, vjen në fshat te familja ime. Unë nuk i flisja që kur ishte ndarë vajza, hyri në oborr dhe më thotë: ti pse s’më flet? Më thotë kam ardhur të takoj fëmijët.  Është ulur në karrige, ka nxjerrë fëmijët, dhe më thotë: pse s’më ndihmon të bashkohem me Melisën? I them: po ti bëre ndonjë përpjekje të bashkohesh me familjen tënde, rri i dehur gjithë kohën. Më ka marrë djali në telefon, 18 vjeç… E pashë që ish-bashkëshorti i vajzës ishte në një gjendje jo normale, i thashë mos i dil përpara. Por ai kishte dalë te rrugica dhe kishte thirrur Melisën. Ai nuk pranonte divorc, jam një xheloz i çmendur, thoshte, nuk dua që ta shohë të martohet me njëri tjetër”, tha nënë e të resë.

LEXONI GJITHASHTU:

• “S’pranonte divorcin”- Flet e ëma e gruas që u dogj me benzinë nga burri në Korçë
• Ish-partneri e leu me benzinë dhe i vendosi flakën, niset drejt Tiranës 31 vjeçarja