“Taksim për të hyrë në Tiranë”, Bejko tregon planin për zgjidhjen e trafikut

Roland Bejko kandidat i Partisë Demokratike për Bashkinë Tiranë, tha në një intervistë për Euronews Albania se Tirana e vërtetë nuk është ajo që paraqet Erion Veliaj në klipe.

Ai u shpreh se Tirana rurale është lënë në harresë ndërsa ajo urbane është betonizuar.

Bejko tregoi planin e PD për të zgjidhur problemin e trafikut  në Tiranë, që përfshin 5 parkime mbi dhe nëntokësore në 5 hyrjet e Tiranës, taksim për makinat që duan të hyjnë në Tiranë dhe karta e rezidentit për vendasit.

“40 mijë mjete vijnë në Tiranë çdo ditë, do ndërtojmë 5 parkime nën dhe mbitokësore dhe nga aty më pas njerëzit mund  të lëvizin me një autobus ekspres për në Tiranë siç ndodh në metropolet e Evropës. Të ardhurit do ta kenë më të vështirë të futen në Tiranë se do të taksohen. Trafiku zgjidhet në origjinë, aty ku fillon”, tha Bejko.

LEXONI GJITHASHTU:

• Gazetari: Bejko po bën fushatën më të varfër në Tiranë, ja pse s’ka fonde
• Bejko takim me gratë e vajzat: Rimbursojmë 100% kredi strehimi për disa kategori