Talibanët: 8 persona janë vrarë prej dy sulmeve ajrore të Pakistanit në Afganistan
Talibanët në Afganistan kanë thënë të hënën se Pakistani i ka kryer dy sulme ajrore në territorin afgan, duke i vrarë pesë gra dhe tre fëmijë.
Zëdhënësi i talibanëve, Zabiullah Mujahid i ka dënuar sulmet, dhe i ka konsideruar si shkelje e sovranitetit.
Për sulmet është raportuar teksa vendet fqinje besojnë se sulmet e fundit në Pakistan janë nisur prej tokës afgane.
Talibanët që janë në pushtet në Afganistan, i kanë hedhur poshtë këto akuza.
“Emiratet Islamike të Afganistanit nuk e lejojnë askënd që të komprometojë sigurinë, duke e shfrytëzuar territorin afgan”, ka thënë Mujahid.
Sulmet kanë lënë të vrarë pesë gra dhe tre fëmijë në provincat lindore Kost dhe Paktika, ka thënë ai.
Ushtria e Pakistanit nuk i ka komentuar akuzat afgane.
Ditë më parë ka pasur raportime për sulme të disa militantëve në Pakistan, duke lënë të vrarë shtatë zyrtarë të sigurisë.
Ndonëse ende nuk është bërë e qartë se çfarë e ka nxitur sulmin, Qeveria e Pakistanit dhe zyrtarë të sigurisë kanë thënë se sulmet janë shtuar në muajt e fundit dhe për një pjesë të tyre përgjegjësinë e kanë marrë talibanët pakistanezë, dhe që sulmet janë nisur prej tokës afgane.
Talibanët afganë, në anën tjetër, e kanë mohuar që lejojnë territorin e tyre të shfrytëzohet prej militantëve.
“Pakistani nuk duhet të fajësojë Afganistanin për mungesë kontrolli, jokompetencë dhe problemet që i ka në territorin e vet”, ka thënë Mujahid përmes deklaratës.
“Incidente të tilla mund të kenë pasoja shumë të rënda, të cilat nuk do të jenë në kontrollin e Pakistanit”.
LEXONI GJITHASHTU:
Atentati ndaj Donald Trump në 2024! Publikohet raporti që zbulon dështimet operacionale nga Shërbimi Sekret
U rrëmbye nga persona të armatosur në qershor, gjendet e vdekur gazetarja në Meksikë
Zjarr masiv në Costa Brava të Spanjës, izolohen mbi 10 komunitete turistike
- 22:26 Sagnol: Michael Olise është futbollisti më i mirë në botë, meriton “Topin e Artë”
- 22:24 Çollaku komenton Kuvendin Kombëtar të protestës: Është kurth për ta shuar
- 22:23 Zvicra kalon në 1/8 e finales, mposht bindshëm Algjerinë me dy gola në Vancouver
- 22:23 E pabesueshme! Prekja e topit me flokë i mohoi Kroacisë barazimin ndaj Portugalisë
- 22:17 Harry Kane thyen rekorde, por jo tregun: pse një nga futbollistët më të mëdhenj të botës nuk është një supermarkë?
- 22:15 Atentati ndaj Donald Trump në 2024! Publikohet raporti që zbulon dështimet operacionale nga Shërbimi Sekret