Mban lopën në kuzhinë/ Amerikani: Më kritikojnë se i jap petulla me sheqer

Amerikani Helias Herrera i ka habitur të gjithë me stilin e tij të pazakontë të të jetuarit.  Ai është 36 vjeç, jeton në Idaho USA, ka dy lopë, dy derra, 4 mace, 2 pallua, 4 rosa dhe rreth 50 pula.

Ajo që bën më shumë përshtypje janë videot e tij kryesisht me lopët të cilat i mban në kuzhinë edhe në kohën që është duke ngrënë apo duke gatuar, ai madje bën edhe banjo akulli me lopën.

Ky personazh i veçantë ishte këtë të hënë i ftuar në një lidhje direkte për “Good Morning Albanians”, ai tregoi më tepër rreth bashkëjetesës së tij e këto kafshë si dhe tha se shpesh njerëzit nuk e kuptojnë apo e paragjykojnë për videot që ai bën me kafshët.

Ai tha se ka marrë komente negative kur ka postuar videon e lopës Brus që hante petulla, por tha se këto ushqime ai ua jep shumë rrallë ndërsa kujdeset që kafshët të kenë një dietë të mirë.

“Ka kritika si për pjesën që i fusim brenda por edhe për ushqimin që i jap kafshëve. Ata më kritikojnë se përse unë i jap petulla të sheqerosura apo ëmbëlsira të tjera. Por ata nuk e kuptojnë se Brusi ka një dietë të shëndetshme dhe ato janë sasi shumë të vogla që nuk e dëmtojnë shëndetin e lopës”,-tha amerikani.

LEXONI GJITHASHTU:

• “65% e sëmundjeve vijnë nga kafshët”-Resuli flet për rolin kyç të veterinerit
• Kafja më e shtrenjtë në botë, nga jashtëqitja e një kafshe…