Targat dhe letërnjoftimet, Ukaj: Serbia e ka njohur de fakto pavarësinë e Kosovës

Analisti Fidan Ukaj është shprehur se Serbia e ka njohur de fakto pavarësinë e Kosovës.

Komentet Ukaj i bëri në “Euronews Albania”, ku tha se kjo ka ardhur me lejimin e udhëtimeve në territorin e Serbisë të qytetarëve të Kosovës, me letërnjoftime dhe targa të Kosovës.

Ukaj tha gjithashtu se edhe lejimi për qarkullim me pasaporta të Kosovës nga Spanja është një lajm i mirë, që mund të çojë në njohjen e Prishtinës zyrtare edhe nga vendi i 5-të i BE-së, që ishte pengesë për anëtarësimin në NATO dhe BE.

“Jo vetëm katërshja e BE që i njojti dokumentacionin e Kosovës, por tanimë edhe Spanja, e cila ishte edhe më hezituesja. Liberalizimi i Vizave nga Spanja ishte një lajm i mirë sepse edhe në pasaportën e Kosovës shkruan Republika e Kosovës.

Spanja dhe vende të tjera janë në rrugën e mirë për njohjen e pavarësisë së Kosovës. Po ashtu edhe Serbia, lejimi për qarkullim i qytetarëve të Kosovës me letërnjoftim dhe tani me targa në republikën e Serbisë, është rrugë për njohjen edhe de jure, jo vetëm defakto e pavarësisë.

Sepse me letërnjoftimet dhe target, unë mëndoj se Serbia e ka njohur defakto ekzistencën e një shteti të Kosovës. Lejimi për qarkullim me pasporta të Kosovës edhe nga Spanja, është lajm i mirë sepse mund ta përmbyllë njohjen nga peshshja e BE-së që ishte problem edhe për anëtarësimin e Kosovës në NATO”, tha Ukaj.

LEXONI GJITHASHTU:

• Kur do e njoh Spanja Kosovën? Eksperti zbulon kushtin kryesor
• Dialogu Kosovë-Serbi, Lajçak takon me këshilltarin e Macron. Çfarë diskutuan