Tatimet publikojnë pagat orientuese në ndërtim, jo më pak se 80 mijë lekë

Drejtoria e Tatimeve ka publikua pagat orientuese për sektorin e ndërtimit. Ato variojne nga 80 mije deri ne 160 mije leke, dhe luhatjet e mëdha që bëjn ë bizneset ne deklarim do te verifikohen nga inspektoret tatimore.

Administrata Tatimore ka bërë publike pagat referuese në ndërtim dhe u bën thirrje kompanive që operojnë në sektor, të sigurojnë deklarimin korrekt të pagave, për të shmangur kontrollet e thelluara dhe masat administrative që parashikon ligji.

Thirrja u drejtohet të gjithë biznesmenëve dhe ndërtuesve të sektorit, që të bëjnë deklarimin e plotë dhe të saktë të pagave, pasi tatimet dyshojnë për informalitet në deklarimin e saktë të përfitimeve, një pjesë e të cilave nuk kalon në bankë, por ndahet në dorë.

Duke listuar të gjitha zanatet që përfshin ky sektor, Tatimet vlerësojnë se nuk do të ketë pagë më të ulët se 80 mijë lekë në muaj, që do të jetë për punonjësit mbështetës në ndërtim, riparuesit, punëtor llaç, dur alumini etj.

Për vlerësimin e riskut të tatimpaguesve që shmangin pagesën reale të pagave të punonjësve, analiza do të ketë si element krahasues pagat indikative të profesioneve në sektorin e ndërtimit sipas tabelës së mëposhtme. Teknikët nuk do të kenë paga më të ulëta se 100 mijë lekë.Inxhinierët do të paguhen mes 115 dhe 150 mijë lekë në muaj, ndërsa referenca më e lartë është për operatorin e vinçit, 160 mijë lekë.

Bashkëngjitur me listën referencë, Administrata Tatimore shkruan se nga dhjetori 2025 e në vijim fokusi i kontrollit do të jetë ndërtimi, kryesisht në: subjektet që deklarojnë paga më të ulëta se pagat indikative të publikuara nga Tatimet dhe subjektet kur ndryshimi i profesionit përdoret për të ulur artificialisht nivelin e pagës.

LEXONI GHITHASHTU:

• Ndërtimi dhe turizmi i japin hov ekonomisë, bujqësia tkurret me ritëm të shpejtë
• Ukraina i kërkon NATO-s më shumë mbrojtje ajrore në takimin e Brukselit