Presidenti francez Emmanuel Macron dhe kancelari gjerman Olaf Scholz u takuan në Paris për të folur mbi rëndësinë e sovranitetit dhe unitetit evropiane përballë sfidave që vijnë nga administrata e re amerikane, e udhëhequr nga Donald Trump.

“Pozicioni ynë është i qartë: Evropa është një zonë e madhe ekonomike me 450 milionë banorë. Ne jemi të fortë dhe të bashkuar. Evropa nuk do të fshihet, por do të jetë një partner konstruktiv, me besim në vetvete. Mbi këto parime ne do të punojmë me SHBA dhe presidentin e ri”,-tha Olaf Scholz, Kancelar i Gjermanisë.

Ndërsa Macron deklaroi se Franca dhe Gjermania duhet të marrin një rol drejtues në ndërtimin e një Evrope të fortë e të bashkuar, në gjendje të mbrojë interesat e saj.

Gjithashtu, ai nënvizoi se partneriteti franko-gjerman mbetet thelbësor për fuqinë dhe stabilitetin e kontinentit të vjetër.

LEXONI GJITHASHTU:

• Zelenskyy dhe Macron diskutojnë për vendosjen e trupave franceze në Ukrainë
• Scholz i përgjigjet Musk: Të ardhmen e vendosin qytetarët, jo pronarët e platformave