Të dyshuar për korrupsion në FIFA dhe UEFA, Blatter dhe Platini lirohen nga akuzat

25 Mars 2025 | 11:30

Ish-presidenti i FIFA-s Sepp Blatter dhe ish-shefi i UEFA-s, Michel Platini u liruan të dy nga akuzat për korrupsion nga një gjykatë zvicerane të martën.

Akuzat kishin të bënin me mashtrim, falsifikim, keqmenaxhimi dhe përvetësim të 2 milionë frangave zvicerane (tani 2.1 milionë euro; 2.26 milionë dollarë) të parave të FIFA-s në vitin 2011.

Pagesa ishte një tarifë konsulence e paguar Platinit për punën e kryer ndërmjet viteve 1998 dhe 2002, për të cilën francezi tha se ishte shtyrë pjesërisht sepse FIFA-s i mungonin fondet për ta paguar atë plotësisht menjëherë.

Skandali, i cili u shfaq në vitin 2015 kur Platini ishte president i organit qeverisës evropian, UEFA , i dha fund shpresave të tij për të pasuar Blatterin, i cili u detyrua të largohej nga FIFA për këtë aferë.

Akuzat për të dy ishin kishin rënë  më parë nga një gjykatë më e ulët në vitin 2022 , por prokurorët zviceranë e apeluan atë vendim.

“Pas dy shpalljeve të pafajësisë, edhe Zyra e Prokurorit të Përgjithshëm të Zvicrës duhet të kuptojë se këto procedura penale kanë dështuar përfundimisht”, tha avokati i Platinit, Dominic Nellen në një deklaratë të martën.

“Michel Platini më në fund duhet të lihet në paqe në çështjet penale. Procedimi penal ka pasur jo vetëm pasoja ligjore, por edhe masive personale dhe profesionale për Michel Platini, edhe pse nuk u paraqit asnjë provë inkriminuese. Ndër të tjera, procedimi penal pengoi zgjedhjen e tij si president i FIFA-s në vitin 2016,” tha Nellen”.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Trump, bisedë telefonike me Putin dhe Zelenskyn; diskutohet fundi i luftës

Presidenti Donald Trump zhvilloi biseda telefonike me liderët e Ukrainës dhe Rusisë ditën e shtunë, me rastin e 4 Korrikut, ditës së Pavarësisë së Shteteve...
13:56 | 05/07/2026

Thirrjet në varrimin e Khamenei: Të vrasim Trump! Vdekje Amerikës!

Një folës në ceremoninë mortore të ish-liderit suprem iranian, Ali Khamenei, bëri thirrje për vdekjen e presidentit të Shteteve të Bashkuara, Donald Trump. Duke folur...
13:52 | 05/07/2026

Lutjet mortore për Khamenein mbahen pa Mojtaban; djemtë e tjerë marrin pjesë

Udhëheqësi suprem i Iranit, Mojtaba Khamenei, mungoi në lutjet mortore për babanë dhe paraardhësin e tij, ajatollahun Ali Khamenei, të mbajtura herët në mëngjesin e...
12:16 | 05/07/2026