Skandali me Kupën e Botës, Hoxha: Si ndikoi Emiri i Katarit, u përfshi dhe Sarkozy

Kupa e Botës e zhvilluar në Katar mbetet më e veçanta në historinë e futbollit, jo vetëm për periudhën në të cilën luhet, vlerën e lartë, por pa lënë pas dhe kritikat e shumta.

Jo vetëm ndaj organizatorëve, por denoncime ka pasur dhe për FIFA-n dhe presidentin e asokohe Sep Blater, i cili u akuzua se kishte marrë para për konfirmimin e vendit organizator.

I ftuar në Euronews Albania, gazetari Artan Hoxha tregon se ka qenë emiri i Katarit ai i cili bëri marrëveshje me Rusinë për dy edicionet e kupës së botës, vitin 2018 dhe këtë aktual 2022.

“Emiri i Katarit bën një marrëveshje me Vladimir Putin dhe marrëveshja ishte e tillë, Rusia pranoi grupin e votave të veta dhe Rusia ra dakord që do të mbështeste kandidaturën e Katarit për 2022, me kushtin që Katari të mbështeste kandidaturën e Rusisë për 2018”, tha Hoxha.

Më tej, gazetari Hoxha shton se në skandalin e madh të përzgjedhjes së vendit organizator për kupën e botës ka qenë dhe presidenti i Francës asokohe, Nicola Sarkozy.

“Në një marrëveshje që bëri presidenti i Francës me emirin e Katarit, u vendos që Katari do merrte në administrim PSG-në, që e ka sot, kjo marrëveshje bëri që miliardat e Katarit të shkonin te PSG-ja. Marrëveshja tjetër është që Katari do blente një flotë avionësh te Airbus-i francez”, theksoi ai.

Katari ka kryer një shifër rekord shpenzimesh për organizimin e kupës së botës, duke shkuar në mbi 200 miliardë dollarë, për ndërtimin e stadiumeve, infrastrukturën apo akomodimin, por sërish pa mundur t’i përmbushë plotësisht kriteret.

LEXONI GJITHASHTU

• Artan Hoxha: Amerika e mori me dhunë Botërorin, do e marrë edhe SPAK!
• Artan Hoxha sulmon futbollin: FSHF, FIFA dhe UEFA të korruptuar