“Të gjithë i detyroheni opozitës”, Balliu: Kemi bërë denoncime të rëndësishme…

Ish-deputeti i Partisë Demokratike, Klevis Balliu tha në “Now me Erla Mëhillin” në Euronews Albania, se të gjithë i detyrohen nga pak opozitës, pasi ka qenë e vetmja sipas tij që ka folur për korrupsionin dhe organizatat kriminale në vend.

Ai tha se opozita është gjatë gjithë kohës aktive duke bërë fushatën e saj dhe denoncime për të cilët shumë paguhen sipas tij që të mos i bëjnë.

“Opozita është në terren dhe ç’është e vërteta kësaj opozitë të gjithë këtu i detyrohen një ditë. Se që kur thoshte avionët me drogë e deri te inceneratorët sot i është vërtetuar çdo kauzë dhe çdo akuzë ndaj çdo grupi të strukturuar jo vetëm kriminelësh po edhe njerëz të cilët e kanë dhunuar dhe përdhunuar këtë shtet qoftë në bujqësi, qoftë në shëndetësi dhe kudo.

A e dini ju se i gjithë tregu i shportës ushqimore në Shqipëri kontrollohet nga Serbia. Ne jemi në fushatë gjithë ditën, ne bëjmë denoncime, ky denoncim që po bëj unë është shumë i rëndë. Të tjerët marrin lekë për të mos folur, ne flasim”,-tha Klevis Balliu.

LEXONI GJITHASHTU:

• Kush do jetë kandidati i opozitës për kryeministër? Manjani: Rama ka nisur fushatën
• “Ju e meritoni vulën”- Çani tregon paktin ideal me opozitën: Rama do shkelte syrin