‘Të kenë liri zgjedhjeje si e gjithë shoqëria’, Dita Evropiane e Jetesës së Pavarur për personat me aftësi ndryshe

5 maji është Dita Evropiane e Jetesës së Pavarur, ku vëmendja përqendrohet te ndërgjegjësimi në të gjithë Evropën mbi situatën e personave me aftësi të kufizuara për të marrë pjesë në jetën e komunitetit.

Jetesa e Pavarur u mundëson personave me aftësi të kufizuar të kenë të njëjtat liri zgjedhjeje dhe kontroll mbi jetën e tyre të përditshme, si të gjithë anëtarët e tjerë të shoqërisë.

Jetesa e Pavarur aplikohet për të gjitha llojet e aftësisë së kufizuar dhe mbështetet në disa shtylla siç janë ndihmësi personal, mjedisi pa barriera, jetesa në komunitet, mjetet ndihmëse, vendimmarrja e mbështetur dhe e drejta për të vendosur ku dhe me kë të jetojnë. Shërbimet për jetesë të pavarur duhet të lënë hapësirë për fleksibilitet dhe të mbulojnë të gjitha aspektet e jetës së një njeriu.