Të paktën 18 të vdekur nga një aksident me autobus në Pakistan

Të paktën 18 njerëz kanë vdekur dhe rreth 17 të tjerë janë lënduar të dielën në Pakistan, pasi autobusi i tyre u përplas me një kamion dhe mori flakë, thanë autoritetet vendore.

Autobusi u përplas me një kamion të parkuar në skaj të një autostrade në provincën lindore, Punjab, në orët e hershme të mëngjesit së 20 gushtit.

“Të paktën 18 persona, përfshirë fëmijë, u vranë në aksident”, tha Zaigham Ali, zyrtar i policisë lokale.

Autobusi ishte duke i bartur rreth 40 udhëtarë nga qyteti jugor Karaçi drejt kryeqytetit, Islamabad.

“Autobusi i pafat… u përplas me një kampion të vogël që ishte i mbushur me tri rezervuare të vogla karburant rreth orës 04:30”, tha shefi i Policisë në Punja, Fahad Ahmad.

“Kamioni dhe autobusi morën flakë menjëherë dhe shoferi i kamionit vdiq në vend”, shtoi ai.

Ai tha se 17 persona u lënduan rëndë dhe u dërguan ne spital. Druhet se numri i viktimave do të rritet për shkak të gjendjes së rëndë të të lënduarve.

LEXONI GJITHASHTU:

• Turma djeg kisha në Pakistan pas pretendimeve për blasfemi
• Shkon në 30 numri i të vdekurve në Pakistan, ku treni doli nga shinat