Të prekurit presin për të tjerë të mbijetuar, flet kreu i shqiptarëve në Adana

Evren Kaya, kryetar i shoqatës se shqiptarëve në Adana tha në një intervistë për Euronews Albania se situata në zonat e prekura nga tërmeti shkatërrues që goditi Turqinë janë kthyer në kampe me çadra ku të mbijetuarit presin me shpresë për të mbijetuar të tjerë.

Ai tregoi se autostradat janë të mbyllura për shkak të kaosit të krijuar, ndërsa situata vështirësohet edhe më shumë për shkak të temperaturave shumë të ulëta.

Një tërmet tragjik goditi Turqinë dhe Sirinë mëngjesin e së hënës duke shkaktuar mbi 19 mijë viktima dhe mijëra të plagosur.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave vazhdojnë punën për nxjerrjen e personave që ndodhen nën rrënoja.

LEXONI GJITHASHTU:

• Shtohen viktimat, qytetarët të zemëruar me cilësinë e dobët të ndërtimeve në Turqi
• VIDEO| Ndodh mrekullia në Turqi, nënë e bijë shpëtohen nga rrënojat pas 70 orësh