Të rinjtë izraelitë dynden drejt Ministrisë së Mbrojtjes, të gatshëm për të luftuar

BBC raporton se në Ministrinë e Mbrojtjes në Tel Aviv ka gjatë gjithë kohës grupe të rinjsh të cilët shkojnë të armatosur, të gatshëm për të marrë pjesë në luftë.

Shërbimi ushtarak është i detyrueshëm në Izrael, gjë që shpesh krijon një lidhje të ngushtë të qyetarëve me ushtrinë dhe Ministrinë e Mbrojtjes.

“Disa të rinj mbërrijnë me rroba civile, të shoqëruar nga prindërit e tyre dhe më vonë rikthehen me mjete luftarake.

Është një formë rekrutimi për atë që Izraeli thotë se është përpjekja e tij për të shkatërruar përfundimisht Hamasin”, shkruan Nick Beake, reporter i BBC.

Ai shton se një shofer taksie i cili kishte pranuar ta shoqëronte për disa xhirime, kërkoi falje duke thënë se i duhej të largohej pasi aftësitë e tij si specialist i kërkim-shpëtimit ishin të nevojshme.

“Nga ana tjëtër një grua nën një flamur të madh izraelit tha se është e dëshpëruar të thirret, por i është thënë se nuk është e nevojshme për momentin.

Po kërkohen qindra mijëra rekrutë – dhe shumë njerëz në situatën aktuale po shkojnë në jug drejt operacionit tokësor të shumëpritur në Gaza”, shkruan Beake.

LEXONI GJITHASHTU:

• Izraeli gati ofensivën në Gaza, hidhen fletëpalosje nga ajri për palestinezët. Apeli
• Blinken gjatë vizitës në Izrael: SHBA-ja do të jetë gjithmonë përkrah jush