Të shtëna me armë zjarri janë raportuar mbrëmjen e kësaj të shtune në Kamëz.

Policia thotë se në rrugën “New York”, më saktësisht tek “Rrethi i Bathores”, dyshohet se është qëlluar me armë zjarri nga një makinë në drejtim të një automjeti tjetër.

Fatmirësisht nga ngjarja nuk ka të lënduar në njerëz.

Njoftimi i Policisë:

Më datë 22.02.2025, rreth orës 22:30, në rrugën “New York”, tek Rrethi i Bathores, dyshohet se nga një automjet është qëlluar me armë zjarri në drejtim të një automjeti tjetër. Nuk ka të lënduar në njerëz.

Shërbimet e Policisë kanë bërë rrethimin e zonës dhe vijojnë kontrollet për gjetjen e automjetit dhe kapjen e autorit.

Ndërkohë, grupi hetimor nën drejtimin e Prokurorisë po punon për sqarimin e rrethanave të ngjarjes.

LEXONI GJITHASHTU:

• Emrat/ Policia identifikon të rinjtë që u përplasën me armë në Kamëz