Emrat/ Qëlluan me armë drejt një automjeti në Kamëz, policia identifikon 3 të rinjtë

Mbrëmjen e së shtunës, rreth orës 22:30, në rrugën “New York” pranë Rrethit të Bathores në Kamëz, janë regjistruar të shtëna me armë zjarri.

Dyshohet se nga një automjet në lëvizje është qëlluar në drejtim të një automjeti tjetër ndërsa policia ka identifikuar Dejvi Mullain, Fabion Kurtin dhe Enedjo Kaci si të implikuar këtë ngjarje.

Të tre këta persona janë shpallur në kërkim ndërsa dyshohet se një konflikt personal ka qenë shkaku i kësaj ngjarje ku tre të rinjte dyshohet se kanë qëlluar me armë ndaj një makine tjetër në lëvizje.

Pas ngjarjes, autoritetet policore kanë realizuar kontrolle të imtësishme në zonë dhe kanë gjetur dy automjete të braktisura, të cilat dyshohet se janë përdorur nga autorët për të larguar nga vendi i ngjarjes.

Sipas hetimeve paraprake, autorët dyshohet se janë larguar me një automjet tjetër.

“Në lidhje me informacionin paraprak të dhënë mbrëmjen e djeshme, për një automjet në lëvizje nga brenda të cilit është qëlluar me armë zjarri në drejtim të një automjeti tjetër, ju informojmë se:

Falë veprimeve të shpejta hetimore dhe një pune të pandërprerë është bërë i mundur identifikimi dhe shpallja në kërkim i autorëve të dyshuar të ngjarjes, konkretisht shtetasit D. M., 24 vjeç, F. K., 24 vjeç dhe E. K., 30 vjeç, të tre banues në Kamëz.

Gjithashtu, gjatë kontrollit të zonës janë gjetur dy automjete të braktisura, të cilat dyshohet se janë përdorur nga autorët për tu larguar nga vendi i ngjarjes.

Po nga veprimet e para hetimore rezulton se 3 autorët e dyshuar të ngjarjes dyshohet se janë larguar me një automjet tjetër i cili është identifikuar nga ana jonë dhe vijon puna për gjetjen e automjetit , lokalizmin dhe kapjen e tre shtetasve të shpallur në kërkim.

Janë sekuestruar dy automjeteve që dyshohet se janë përdorur nga tre shtetas të dyshuar si autorë si dhe punohet për lokalizmin e automjeti tjetër që janë larguar autorët pasi kanë braktisur automjetet që përdorën për të qëlluar me armë drejt një automjeti tjetër.

Në bashkëpunim me Prokurorinë, vijon puna intensive për zbardhjen e rrethanave dhe dokumentimin e plotë ligjor të rastit”, thuhet në njoftimin e policisë”, thuhet në njoftimin e policisë.

LEXONI GJITHASHTU:

• Të shtëna me armë në bulevardin e Kamzës, qëllohet nga makina në makinë
• Arrestohet 28-vjeçari në Kamëz, qarkullonte me pistoletë në automjet në rrugën Zyrih