Arrestohet 28-vjeçari në Kamëz, qarkullonte me pistoletë në automjet në rrugën Zyrih

Forcat “Shqiponja” në bashkëpunim me Forcën Operacionale, në bazë të informacioneve të siguruara nga inteligjenca policore se shtetasi D. A, qarkullonte me armë në automjet, kanë organizuar dhe finalizuar operacionin policor të koduar “Flagranca”.

Si rezultat i veprimeve operacionale në rrugën “Zyrih” Kamëz, u bë kapja e shtetasit D. A., 28 vjeç, banues në Tiranë. Ky shtetas kur ka parë shërbimet e Policisë ka parkuar automjetin në anë të rrugës dhe ka qëndruar në makinë bashkë me një shtetas tjetër me qëllim shmangien e kontrollit të policisë.

Gjatë kontrollit të mjetit, shërbimet e Policisë gjetën e sekuestruan një armë zjarri pistoletë.

Në vijim të veprimeve, Specialistët për Hetimin e krimeve në Komisariatin e Policisë Nr. 5 bënë arrestimin në flagrancë  të shtetasit D. A., 28 vjeç, banues në Tiranë për veprën penale “Mbajtja pa leje dhe prodhimi i armëve, armëve shpërthyese dhe i municionit”, si dhe  proceduan penalisht  në gjendje të lirë  për veprën penale “Moskallëzimi i krimit”,  shtetasin  A. D., 21 vjeç, i cili u gjet brenda në mjetin e 28-vjeçarit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme.

LEXONI GJITHASHTU:

• Stafi i hotelit shfaqi dyshime ndaj tij, arrestohet në Kolumbi shqiptari në kërkim
• Sekuestrohen armë, kanabis dhe radio policie në Mirditë, arrestohen dy vëllezër