Vritet me armë zjarri polici në Fier

Të shtëna me armë zjarr ijanë shënuar këtë të hënë në qytetin e Fierit, ku sipas informacioneve paraprake raporohet se ka ndërruar jetë një punonjës policie, i identifikuar si Novruz Cenalia.

Sipas policisë dyshohet se ngjarja ka ndodhur pas një konflikti të çastit që polici pati me shtetasin Asllan Mernica, në fshatin Baltëz.

Në momentin e ngjarjes polici ishte jashtë shërbimit, por i veshur me uniformë policie, duke shkuar për të marrrë turnin.

Ende nuk dihen rrethanat e sakta të ngjarjes.

Nga informacionet e deritanishme dyshohet se autori është larguar me një automjet ngjyrë blu.

Policia dhe grupi hetimor kanë rrethuar zonën dhe po vijojnë punën për zbardhjen e ngjarjes dhe kapjen e autorit.

“Rreth orës 13:15, në fshatin Baltëz, dyshohet se gjatë një konflikti të çastit, shtetasi A. M. ka vrarë me armë zjarri shtetasin N. C., punonjës policie i Forcës së Posaçme “Shqiponja” të DVP Fier, jashtë shërbimi, por i veshur me uniformën e Policisë, pasi shkonte për të marrë shërbimin.

Menjëherë në vendngjarje janë nisur shërbimet e Policisë, Forca Kombëtare e Sigurisë, Reparti Special “RENEA”, të cilat kanë rrethuar zonën dhe vijojnë punën për kapjen e autorit.

Grupi hetimor dhe drejtues të Departamentit të Policisë Kriminale, në drejtimin e Prokurorisë, po punojnë për sqarimin e rrethanave dhe për dokumentimin ligjor të kësaj ngjarjeje”, thuhet në njoftimin e policisë.

LEXONI GJITHASHTU:

• Vrasja e policit të Shqiponjave, RENEA blindon fshatin Baltëz. Pamje nga vendngjarja
• EMRI| Kush është autori i vrasjes së efektivit të “Shqiponjave” në Fier