Të shtëna me armë në Laknas, një i vdekur dhe një i plagosur

Një person është vrarë dhe një tjetër është plagosur si pasojë e të shtënave me armë zjarri në rrugën “Fatos Shupi”, në Laknas.

Nga informacionet paraprake bëhet me dije se policia ka arrestuar autorin.

Ai është një 70-vjeçar, i identifikuar si Maliq Marku, i cili pas një konflikti për motive të dobëta me dy persona, ka qëlluar me armë në drejtim të tyre.

Euronews Albania mëson se i vdekur ka mbetur shtetasi Shefqet Hasa, rreth 55 vjeç, ndërsa u plagos dhe shtetasi Besim Keça, rreth 50 vjeç.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Kamëz/Informacion paraprak

Më datë 30.11.2023, në Laknas, në rrugën “Fatos Shupi”, pas një konflikti për motive të dobëta, shtetasi M. M., rreth 70 vjeç, ka vrarë me armë zjarri shtetasin Sh. H., rreth 55 vjeç, si dhe ka plagosur shtetasin B. K., rreth 50 vjeç.

Shtetasi B. K., ndodhet në spital nën kujdesin e mjekëve.

Autori i dyshuar është arrestuar në flagrancë, si dhe është sekuestruar dhe arma e përdorur gjatë krimit.

Grupi hetimor po punon për sqarimin e rrethanave të ngjarjes.

LEXONI GJITHASHTU:

• Tentoi të vriste me sëpatë një 33-vjeçar, arrestohet autori dhe bashkëpunëtori i tij
• Qëlloi me sëpatë të riun në lokal, kush është autori me prcedentë të rrezikshëm