Të shtëna me armë, vrasje në Shëngjin

Këtë të mërkurë ka pasur të shtëna me armë në Shëngjin.

Si pasojë Ardian Nikulaj ka humbur jetën. Ende nuk dihet arsyeja e vrasjes.

Nikulaj rezulton një eksponent politik, ish-kandidat i PSD për deputet në zgjedhjet parlamentare të 2021-shit. Ardian Nikula është rreth 50-vjeç dhe në këto zgjedhje është renditur i 23 në listën e PSD-së për Këshillin Bashkiak të bashkisë Lezhë.

Më herët ai ka qenë një eksponent i Partisë Socialiste por që së fundi ishte bashkuar me Partinë Sociakdemokrate.

Burime bëjnë me dije se deri në vitin 2003 Nikulaj mbante mbiemrin Marku ndërkohë që më pas e kishte ndërruar dhe mbante mbiemrin me të cilin njihet dhe sot.
Ai është dënuar në vitin 2003 dhe 2006 për armëmbajtje pa leje.

Njoftimi i policisë:

Rreth orës 13:30, në rrethana ende të paqarta, është vrarë me armë zjarri, në ambientet e lokalit të tij, shtetasi A. N. 50 vjeç, banues në Shëngjin.

Shërbimet e Policisë dhe grupi hetimor kanë shkuar menjëherë në vendngjarje.

Janë ngritur pika kontrolli dhe është rrethuar zona ku vijojnë kontrollet për kapjen e autorit/ve.

Grupi hetimor, në drejtimin e Prokurorisë, vijon punën për zbardhjen dhe dokumentin e plotë të ngjarjes.

LEXONI GJITHASHTU:

• Masakra brenda ditëlindjes, 4 të vrarë nga të shtënat mes adoleshentësh
• Ekskluzive/ Pamjet e vrasjes me thikë të 20-vjeçarit, viktima vrapon drejt banesës