Një plagosje me armë zjarri ka ndodhur pasditen e kësaj të hëne në në vendin e quajtur “Qafa e Bardelecit”, në fshatin Vermosh, Malësi e Madhe.

Nga informacionet paraprake bëhet me dije se një 55-vjeçar ka plagosur me armë një 30-vjeçar, pas një konflikti për motive të dobëta.

Plumbi e ka zënë në dorë 30-vjeçarin i cili është transportuar në spital, jashtë rrezikut për jetën.

Gjithashtu autori ka kanosur dhe i ka dëmtuar automjetin një personi të identifikuar me inicialet D.Q. tjetër që ka tentuar të ndihmojë të lënduarin.

Falë veprimeve të shpejta operacionale, pas disa minutash ndjekjeje, shërbimet e Policisë kanë kapur dhe vënë në pranga autorin e dyshuar, shtetasin Gj. M., 55 vjeç.

Në vijim të veprimeve, nisi procedimi në gjendje të lirë për bashkëshorten e shtetasit Gj. M., shtetasen E. M., pasi ka qenë prezente gjatë konfliktit dhe ka kanosur shtetasin D. Q.

Materialet procedurale i kaluan Prokurorisë, për veprime të mëtejshme.

LEXO GJITHASHTU:

• Sherr mes adoleshentëve në Shkodër, plagoset me thikë 16-vjeçari
• EMRAT| Të armatosur gati për vrasje, shkatërrohet grupi kriminal në Vlorë