Një palgosje me armë zjarri ka ndodhur mesditën e kësaj të mërkure në rrugën Princ Vidi në Tiranë. Sipas informacioneve paraprake bëhet me dije se i plagosur ka mbetur shtetasi Ervin Nela, i cili është dërguar me urgjencë në spital.
Policia ka arrestuar dy prej auorëve të dyshuar si dhe ka shpallur në kërkim bashkëpunëtorin e tyre.
Dyshohet se shkak për plagosjen është bërë një zënkë për motive banale mes autorëve dhe vitimës.
Në cilësinë e provës materiale janë sekuestruar një armë gjahu dhe një pistoletë zhurmuese.
Materialet proceduriale i kaluan prokurorisë së Tiranës për veprime të mëtejshme.
“Shërbimet e Sektorit për Hetimin e Krimeve të Rënda në DVP Tiranë, pas marrjes së njoftimit se, ditën e sotme ishte paraqitur në spital për ndihmë mjekësore një shtetas, dyshohet i plagosur me armë zjarri, menjëherë kanë organizuar punën për dokumentimin e plotë ligjor të ngjarjes dhe identifikimin e autorëve të dyshuar.
Nga veprimet e shpejta hetimore u bë identifikimi i autorëve të dyshuar, shtetasve G. N., E. N., dhe M. N., të cilët pas një konflikti për motive të dobëta, ditën e sotme, në afërsi të vendit të quajtur “Rrethrrotullimi i 3-shit”, dyshohet se kanë qëlluar me armë zjarri shtetasin E. N., i cili ndodhet në spital, në kujdesin e mjekëve, jashtë rrezikut për jetën.
Shtetasit G. N., dhe E. N., janë shoqëruar në Polici për veprime të mëtejshme dhe vijon puna për kapjen e shtetasit M. N”, thuhet në njoftimin e policisë.
LEXONI GJITHASHTU:
- Çmimet e apartamenteve në rritje, emigrantët dhe familjet e reja, blerësit kryesorë
- Apartamentet e ’92, do shiten më lirë/Ekspertët: Mundësi që çdo kush të blejë shtëpi
