Të shtënat në Kukës, policia sqaron ngjarjen: Nuk ka të plagosur

Policia ka dalë me një njoftim lidhur me ngjarjen e regjistruar këtë të premte në Kukës. Mësohet se dy kushërinj pas një konflikti kanë tentuar të vrasin me armë zjarri një person.

Mësohet se ata janë dhunuar me shkopa bejsbolli dhe më pas situata ka agravuar në përdorimin e armës. Nga të shtënat nuk ka të lënduar.

Personi që u konfliktua me dy kushërinjtë ndodhet në spital pasi ka marrë lëndime nga goditjet me shkop bejsbolli. Policia po punon për kapjen e autorëve.

“Kukës / Informacion paraprak. Në një lokal në qytetin e Kukësit, shtetasit Ç. M. dhe E. M. (kushërinj me njëri-tjetrin), dyshohet se, së bashku me 3 shtetas të tjerë, gjatë një konflikti për motive të dobëta, kanë goditur me shkop bejsbolli dhe kanë tentuar të vrasin me armë zjarri shtetasin S. I.

Shtetasi S. I. është dëmtuar si pasojë e goditjeve me shkop bejsbolli dhe ndodhet në spital, nën kujdesin e mjekëve. Nga të shtënat nuk ka persona të lënduar.

Është ngritur menjëherë grupi hetimor dhe, nën drejtimin e Prokurorisë Kukës, po vijon puna për zbardhjen dhe dokumentimin e plotë ligjor të këtij rasti, si dhe për kapjen e autorëve dhe të personave të tjerë të përfshirë në këtë konflikt”, njoftoi policia.