“Të tregojmë përgjegjshmëri”, Begaj reagon për situatën e krijuar nga reshjet

Presidenti Bajram Begaj, ka reaguar në lidhje me situatën e krijuar nga reshjet e dendura në vendin tonë.

Në një postim që ka bërë në “Facebook”, Begaj shprehet se është e rëndësishme që të gjitha institucionet përgjegjëse të tregojnë përgjegjshmëri maksimale për të mbrojtur jetën dhe pronën e çdo individi.

Më tej ai thotë se duhen marrë masa për përballuar emergjencat e ditëve në vijim.

“Po ndjek me vëmendje situatën e rënduar të krijuar nga reshjet e shiut dhe stuhitë në shumë qarqe të vendit.

Është e rëndësishme që përballë kësaj situate serioze të gjitha institucionet përgjegjëse dhe pushteti lokal, të tregojnë përgjegjshmëri maksimale, për të mbrojtur jetën dhe pronën e çdo individi, si dhe për të marrë të gjitha masat e nevojshme për të përballuar dhe paraprirë emergjencat e ndryshme të orëve apo ditëve në vijim”, shprehet kreu i shtetit, ndërsa shton se “është e rëndësishme që popullata të ketë informacionin e nevojshëm në kohë reale për të përballuar si duhet çdo vështirësi, gjithmonë duke pasur mbështetjen e institucioneve shtetërore”.- shkruan Begaj.

LEXONI GJITHASHTU: 

• Moti i keq ‘pushton’ vendin, Ministria e Mbrojtjes apel për qytetarët: Kini kujdes
• VIDEO/ Rritet niveli i ujit në hyrje të Shkodrës, i vështirë qarkullimi i mjeteve
• Uji merr para makinën në Bogë, polumbarët në kërkim të babë e bir. Shpëton vajza