Teknologji| Policia amerikane po fillon të përdorë AI për të shkruar raporte krimi

Disa departamente të policisë në SHBA po eksperimentojnë me përdorimin e inteligjencës artificiale (AI) për të prodhuar draftet e para të raporteve të tyre lidhur me ngjarjet kriminale.

Kjo teknologji e ChatGPT-së tërheq zërin dhe zhurmën e radios nga një mikrofon në kamerën e trupit të policisë dhe mund të nxjerrë një raport brenda tetë sekondash.

“Ishte një raport më i mirë se sa mund të kisha shkruar ndonjëherë dhe ishte 100 për qind i saktë,” -tha Matt Gilmore, një rreshter policie në Policinë e Oklahoma City.

Mjeti i ri mund të jetë pjesë e një pakete veglash në zgjerim të AI që policia amerikane po përdor tashmë, të tilla si algoritme që lexojnë targat, njohin fytyrat e të dyshuarit ose zbulojnë të shtëna me armë.

Rick Smith, CEO dhe themeluesi i Axon, kompania që qëndron pas produktit të AI të quajtur Draft One, tha se AI ka mundësinë të ndihmojë në krijimin e  dokumenteve që duhet të bëjë policia në mënyrë që ata të kenë më shumë kohë për të bërë punën që dëshiron të bëjnë.

LEXONI GJITHASHTU:

• Fundosja e jahtit me 6 persona, zhduket manjati britanik i teknologjisë Mike Lynch
• Policia amerikane s’vret vetëm me armë, hetimet zbulojnë një praktikë të tmerrshme